Mizo Hla Thar 2018
Lo kir leh ru aw
Dave Chhakz ft. Oxygen
Recording : Haniel Home Studio
Haniel Worship Team Project
Video : BLS Videography
LYRICS :
Chibai u le...
Ram pela fehchhuak unau te
Tuizawng leh duhzawng pawh
ngaihsak phal lova
Thatlai vanglai chhungte tana
theih tawp chhuaha nun hlantu
Valchhuanawm te leh nunau te
In zavaiin chibai u le.
Kan ram inchhuahsan zan khan kan thla a bar
Khawharna ten kan runah thla an zar
In nui hmel hmuh kan chak, in thlalak kan tar
Mualzapuiin min dan tawh si kan inkar
Phal lo em em chungin mittui tlain kan inthlah
Thiam ang tawkin fuihna thu leh tawngkamthain kan infah
An hlim leh lawm niin tuin nge tawiawm anga
An bawrhsawm niin tu chuan nge hmangaih takin lo bawihsawm ang? (Ahh)!
Sakhmel hriat loh runah inthlahrung leh kimkiin
In khawsak dan turte kan dawn a
Kan mu thei lo thin thiin
In manganna zawng zawng Pa hnen thlen thin r'u aw thingthiin
Tawrhna phena malsawmna chu beiseina mita thlirin
Chun leh zua te an thlaphang
Min lo biakpawh hun tur kan lo chang
Kan thlir vela kawtkai
In sakhmel hmuh chak reng reng hian maw kan vai
Khawthlang, zehrang karah chhuanchhamin an awm ang em? ti-a ngaihtuah changin lungmuanga zan mu chhin a har
Anni an thlan tui a far
Keini kan mittui a far
A chhun, a zan thlu lovin theih tawp chhuahin an phar
A chang chuan ti hian ka ngaihtuah
Theih ni se.. kan phal bik hleinem ram pela an fehchhuah
Mahse chhungkuaah retheihna tin rengin min tlakbuak
Duhthlan tur an nei lo, thenrual thlakhlelh pawh sawi thei lovin ram dangah an inkapchhuak
An unau zawk pawn kei chu a awmnem zawk
Ka lo luah ange inchhung lum zawk...
Ti mai lovin thlangsappui lam an hawi, an tum ve fana mahni inhaikuak
An dinhmun hriatthiampui lo thenkhatte'n tim hauh lovin selna anka an chhakchhuak
In ngaihtuah ngai em, in tawngkamin tu thinlung nge a vuak?
(Heng mite ber chunga intih hi, ka chunga ti in ni)
(Hook)
Kan ngai chhungkim dar ang lenlai ni
Ami zaleng zingah insakhmel kan vai
Bang lovin kan dil
Chung khuanu malsawmna
Lo kir leh ru aw..
Kan vangkhua timawi a'n
Kan vangkhua timawi a'n
Kan vangkhua timawi turin.....
Ram ropui leh changkang zawkah chuan in liam ta a
Inliam na a, hei erawh hre reng ula
In pian leh murna he khua hian engtik lai pawn a thlahlel che u
Chhiat ni, that niah khua leh tui ten kan ngai bang lo che u
Kan lo thleng leh ta a hunpui leh nipui
Silhfen mawi tak tak inbelin puipunna hmun an rawn pan
Rawlthar hmelmawi an inlan
Khawnge kan hrei ve te kha
In sakhmel kan hmu lo chun leh zua, u leh nau kan ngui. (Ahh!)
Rualduh thenkhatte chu in lo kir hun nghak zo lovin an liam tawh a Rihsangmual
Anni tawh si lo va auh kir rual
Khawharna ten kan nunhlui leh sulhnute min hriatchhuahtir
In pic post te kan lo thlir
Hmangaihtu thinlung hian a hmuh hmaih si lo in nuihmel phena in tawrhna
Eden (huan) bawhchhiatna iang a mi pahnih/khat tihsual vanga in phurh sawiselna
Naupang chhe inngaizawng ang maia in hlawh demrawnna
Aw.... na kan ti
An hrethiam lo a ni
Kan tan in hlutna
Tags : Hrai te'n (an pasal) hmangaihte run an belh dawn pawn.. ngaihtuah a na an ti, sakhmelhriat loh run in belh a tul hi a na kan ti.
Intuanna mualah chuan lungmuang leh hlimin va leng u la
Inkal chhan leh kan chhungkua dinhmun chu in hriat kha
Selna tam tak karah chhel takin
Hmelma (ruihhlo i hmelma a ni) tam tak karah fel takin,
Ding rengin
Hnam darthlalang in nih hre rengin
Kan chhungkaw tan chuan in ni asin kan dilna tihlawhtling thintu Van palai
In hlu zawk e lungmanto leh lunghlu aiin.
(Hook) Repeat.
Zehrang mawina par tlanin leng mah ula
Kan hnam nun ze mawi hi chawi vul zel ula
Kan pi leh pu ten lu chhum, ban chhum
huama an lo tundin kan ram ngeiah hian
LO KIR LEH RU AW....
Дата на публикация: 12 ноември, 2018
Категория:
Друго
Харесайте ни във Facebook